DSE ECON 攞4嘅人，衰咩攞唔到5?

\
大大話話都教咗將近5年，咩學生都見識過。攞5或以上嘅人當然有，但主要成員都係攞4。

到底攞4嘅人，衰咩攞唔到5?

攞4嘅人，意味基本功其實唔差，每年cut off 若70%左右。但係攞5點都要有80%先算穩陣。咁成敗關鍵喺邊度呢?

關鍵在於速度，尤其係思考速度。

Paper 1 一小時做45題，一般而言，45分鐘點都會做曬，仲有15分鐘check卷。Paper 2 兩小時十五分鐘做120分題目，一分鐘做一分題，又係有15分鐘check卷。

但經驗告之，學生諗明條題目問乜，本身都好浪費時間。諗好仲要寫寫寫。Paper 1 還好，做multiple choice有得撞，Paper 2 一急起上嚟，個腦痴左線，衰到 Demand 變 Supply，increase 變 decrease。

攞4嘅人基本功已經算係咁，之係諗得唔夠快，唔夠自信，如果諗得快D，呢10%完全係探囊取物。

做卷速度練習，同賽跑一樣，不斷train自己有條件反射，一聽到槍聲就起跑，一見到題目就諗到答乜。攞4唔係唔識，只係唔熟。訓練自己要即望、即諗、即答，一定救得返。